Putin şərtlərini açıqladı: Bizsiz mümkün deyil

"İsveçrədəki konfransa bizi dəvət etmədilər. Rusiyasız açıq bir razılaşma əldə edib bizimlə məsuliyyətli dialoq qurmadan Ukrayna və Avropa təhlükəsizliyinə həll yolu tapmaq mümkün deyil".

Ölkə.Az xəbər verir ki, bunu Rusiya prezidenti Vladimir Putin iyunun 15-16-da İsveçrədə keçiriləcək Ukrayna Sülh Sammiti ilə bağlı mövqeyini açıqlayarkən deyib.

"Bu gün biz Ukraynaya yenidən real sülh təklifi edirik. Biz məsələnin dondurulmasını deyil, müvəqqəti atəşkəsin təmin edilməsini və münaqişələrə son qoyulmasını təklif edirik", - Putin qeyd edib.

Putin deyib ki, danışıqlar aşağıdakı şərtlər yerinə yetirələcəyi təqdirdə mümkündür: "Ukrayna Donetsk, Luqansk, Xerson və Zaporojyedən hərbi birləşmələrini çıxarsa və NATO-ya üzv olmaq istəyindən əl çəkərsə, danışıqlara başlaya bilərlər".

Kremlin sözçüsü Dmitri Peskov da sözügedən sülh konfransının gələcəyinin olmadığını və bu sammitdə Ukrayna ilə bağlı məsələlərin Rusiyasız müzakirə edilməsi fikrinin absurd olduğunu bildirib.

Mürtəza
Ölkə.Az