Qərb İrəvanı Moskvaya qarşı müharibəyə sürükləyir - Qaluzin

Qərb Ermənistana Rusiyaya qarşı hibrid müharibə aləti kimi baxır.

Ölkə.Az xəbər verir ki, bunu Rusiya Federasiyası xarici işlər nazirinin müavini Mixail Qaluzin deyib.

Nazir müavini deyib ki, Ermənistanın təhlükəsizlik sahəsində ABŞ və NATO-nun “kağız çətiri” altında Qərb nümunələrinə keçidi Rusiya ilə və KTMT çərçivəsində vahid müdafiə məkanının saxlanmasını sadəcə olaraq qeyri-mümkün edəcək.

Qaluzin əlavə edib ki, Qərbin təsiri altında ikitərəfli siyasi təmasların kəskin daralması müşahidə olunur.
“İrəvandan getdikcə Rusiya, KTMT və mövcud təhlükəsizlik sisteminə qarşı əsassız tənqidlər eşidilir. Bu, ən azı qeyri-konstruktiv və uzaqgörməməzlikdir”, - Qaluzin qed edib.

Onun fikrincə, qərblilərin nə vəd etməsindən asılı olmayaraq, bu gün Ermənistanın təhlükəsizliyini təmin edən mexanizm kimi KTMT-yə effektiv alternativ yoxdur.

Mürtəza
Ölkə.Az