İranlı namizədlərin efirdə Türkiyə mübahisəsi: “Geridə qalmışıq”

İyunun 28-də İranda keçiriləcək növbədənkənar seçkilərdə prezidentlik uğrunda mübarizə aparan 6 namizədin televiziyada debatı keçirilib.

Ölkə.Az xəbər verir ki, canlı efirdə zamanı rejim tərəfdarı Əli Rza Zəkani ilə islahatçı namizəd Pezeşkiyan arasında “Türkiyədə inflyasiya” debatı gecəyə damğasını vurub.

Canlı yayımda namizədlər əsasən İranın iqtisadi vəziyyəti, üzləşdiyi sanksilayar və dünya iqtisadiyyatı ilə əlaqələri müzakirə edilib. 

Prezidentliyə namizəd Zəkani İran iqtisadiyyatı ilə bağlı fikirlərini müdafiə etmək üçün Türkiyədəki inflyasiyanı misal çəkərək deyib ki, Türkiyənin dünya iqtisadiyyatı ilə sıx əlaqəsinin olmasına baxmayaraq uğursuzluğa düçar oldu. "Bu gün Türkiyədə yüksək infilyasiya müşahidə edilməkdədir", - o qeyd edib. 

Məsud Pezeşkian isə Zəkaninin bu mövqeyinə sərt reaksiya verib: "Bütün bu inflyasiyaya baxmayaraq, gedin oradakı yollara, mağazalara, ixracata baxın. İranın yollarına da baxın. İnqilabdan əvvəl Türkiyə İranın yollarına  paxıllıq edirdi.  İndi isə vəziyyət əksinədir. Orada yüzlərlə kilometr yollar çəkilib, 70-80 tunel tikilib. Biz 4 tunel tikəndə isə öyünürük. Geridə qalmışıq”.

Mürtəza
Ölkə.Az