Kim Çen In Putinə nadir cins it hədiyyə edib - FOTO
Şimali Koreya lideri Kim Çen In Rusiya prezidenti Vladimir Putinə nadir punqsan cinsindən olan it hədiyyə edib.
Ölkə.Az xəbər verir ki, Kim Çen In fəxri qonaqlar üçün nəzərdə tutulmuş Kımsusan iqamətgahının bağçasında prezident Putinə milli it cinsi olan bir cüt punqsan iti hədiyyə edib.
Punqsan Şimali Koreya canavarlarından yetişdirilən qarışıq cinsdir. Onun qalın tükləri var, adətən, ağ, qarmaqlı quyruğu və dik qulaqları olur. Punqsan Koreya yarımadasının şimal hissəsinin iqliminə uyğunlaşan gözəl qalın tük örtüyünə malikdir. Bu cins KXDR üçün xarakterikdir və ölkədən kənarda nadir hallarda rast gəlinir.
Kim Çen In həmçinin Vladimir Putini KXDR-in ən yüksək dövlət mükafatı - Kim İr Sen ordeni ilə təltif edib.
Qeyd edək ki, Vladimir Putin Şimali Koreyadan Vyetnama yollanıb.
Mürtəza
Ölkə.Az
