Bu ölkədə fırtına və leysan 30 nəfərin ölümünə səbəb oldu

Fırtına və leysan yağışların yol açdığı daşqınlar və torpaq sürüşmələri nəticəsində Mərkəzi Amerika ölkələrində ən azı 30 nəfər ölüb, minlərlə insan evlərini tərk edib.

APA-nın xəbərinə görə, El-Salvador hakimiyyəti 6-sı uşaq olmaqla, 19 nəfərin öldüyünü açıqlayıb.

Qvatemala hökuməti cümə günü 10 nəfərin öldüyü, 11 minə yaxın insanın təxliyə edildiyi, 380-ə yaxın insanın hələ də müvəqqəti sığınacaqlarda olduğu, 300 nəfərin ağır yaralandığı barədə məlumat yayıb. Hondurasda isə 1 nəfər ölüb, 1200-dən çox insan evakuasiya edilib.