Həcc ziyarəti zamanı 1301 zəvvar dünyasını dəyişib

Bu il Həcc ziyarəti zamanı 1301 zəvvar dünyasını dəyişib. 

Ölkə.Az xəbər verir ki, bu barədə Səudiyyə Ərəbistanının səhiyyə naziri Fəhd bin Əbdül Rəhman əl-Cəlacel bildirib. 

"Ölənlərin 83%-nin müvafiq vizası olmadığı üçün günəşdən heç bir sığınacaq almadan uzun məsafələrə səyahət etməli olublar. Ölənlər Məkkədə dəfn edilib", - nazir qeyd edib.

Nazirin sözlərinə görə, 95 zəvvar xəstəxanalarda müalicə olunur, onlardan bəziləri Ər-Riyada aparılıb. "Ölənlərin şəxsiyyətinin müəyyən edilməsi prosesi ləngiyib. Çünki bir çoxunun sənədləri üstündə olmayıb", - o vurğulayıb.

Ölənlərin yarıdan çoxu Misirdən olan zəvvarlardır. Belə ki, 660 misirli zəvvar ölüb ki, yalnız onlardan 31 nəfərin Səudiyyə Ərəbistanına girmək hüququ olub.  

Misir zəvvarların Səudiyyə Ərəbistanına icazəsiz girməsinə kömək edən 16 turizm agentliyinin lisenziyasını ləğv edib. Associated Press-in məlumatına görə, ölənlər arasında İndoneziyadan 165, Hindistandan 98, İordaniya, Tunis, Mərakeş, Əlcəzair və Malayziyadan isə onlarla zəvvar ölüb. Ölənlər arasında 7 rusiyalı və 2 ABŞ vətəndaşı da var.
Builki Həcc ziyarətində 1,8 milyon insan iştirak edib. 

Mürtəza
Ölkə.Az