Kreml ABŞ-ni Sevastopola hücumda ititham etdi

ABŞ-nin Sevastopol hücumunda iştirakı heç bir şübhə doğurmur, Vaşinqton Kiyevi beynəlxalq terror aktları törətməyə və Rusiyanın mülki vətəndaşlarının qətlinə sövq edir. 

Ölkə.Az xəbər verir ki, bu barədə Rusiya Xarici İşlər Nazirliyinin iyunun 24-də yaydığı bəyanatda deyilir.

Bəyanatda qeyd olunub ki, Ukrayna Silahlı Qüvvələrinin Sevastopola hücumu zamanı kasetli döyüş başlıqları ilə təchiz edilmiş Amerikanın ATACMS raketlərindən istifadə edilib. 

Kreml Ukraynanın hərəkətlərinin beynəlxalq təşkilatlar tərəfindən pislənilməməsinə diqqət çəkib. RF XİN beynəlxalq aləmi “barbar hərəkətlərə” lazımi qiymət verməyə çağırıb.

Qeyd edək ki, Ukrayna Silahlı Qüvvələrinin iyunun 23-də Sevastopola hücum nəticəsində 4 nəfər ölüb, 153 nəfər yaralanıb. 

Hazırda 153 yaralıdan 79-u xəstəxanda müalicə alır. Yaralılardan 14-nün vəziyyətinin ağır olduğu bildirilir.

Mürtəza
Ölkə.Az