Əhalisinin əksəriyyəti müsəlman olan Tacikistanın hicabı qadağan etməsinin əsl səbəbi...

Cənubda Əfqanıstan, qərbdə Özbəkistan, şimalda Qırğızıstan və şərqdə Çinlə qonşu olan Tacikistanın təqribi əhalisi 9 537 645 nəfərdir.

Ölkə.Az "haber Global"a istinadla xəbər verir ki, ən böyük etnik qrupun taciklər olduğu ölkədə özbəklər və ruslar ən böyük azsaylı xalqlardır. 

Taciklər Orta Asiyada türk dilində danışmayan yeganə xalqdır. Çünki rəsmi və ən geniş yayılan dil fars dilinin bir ləhcəsi olan tacikcədir. 
Ən geniş yayılan din islam olsa da, dünyəvi dövlətdir. 

Bu, əslində Türküstanda inzibati yerliləşdirmənin bir nəticəsidir. Yəni korenizatsiya.
Bu, Sovetlər İttifaqının rus olmayan xalqları dövlət içərisində assimilyasiya etmə siyasətinə verilən addır. Belə ki, 1994-cü ildən bəri ölkəni idarə edən Prezident Emoməli Rəhmon 1971-

1974-cü illərdə sovet silahı qüvvələrində xidmət edib. Onun idarə etdiyi ölkədə hicaba qoyulan qadağa hökumətin 1997-ci ildən bəri davam etdirdiyi siyasi xəttin davamıdır. Tacikistan dəyanət işləri komitəsinin 2017-ci ildəki bir açıqlamasına görə, sadəcə bir il ərzində 1938 məscid qapadılıb və ibadətxanalar tibb mərkəzlərinə çevrilib. 

Saqqala dair heç bir qanuni məhdudiyyətin olmadığı Tacikistanda polisin minlərlə kişini zorla təraş etdiyi məlumdur. Tacikistanı "demokratik və dünyəvi" dövlətə çevirmək istədiyini deyən E.Rəhmon hicab qadağasını da əhatə edən son dəyişiklik üçün xalqa "Allahı qəlbinizlə sevin, öz mədəniyyətinizi unutmayın"  tövsiyəsini verir. 

Qeyd edək ki, hicab qadağasının əsas məqsədinin tacik cəmiyyətində xurafat və fanatizmin qarşısını almaq olduğu bildirilirdi.