Putinin "daçası” yaxınlığındakı zənginlərə məxsus ərazilər müsadirə edilir

Rusiya Baş Prokurorluğu Moskva vilayətinin Odintsovo məhkəməsi rusiyalı milyarder və milyonçular tərəfindən zəbt edilən prezidentin işlər idarəsinə məxsus "Barvixa" sanatoriyaya məxsus torpaq sahəsinin müsadirə edilməsi ilə bağlı  iddiaya baxır. 

Ölkə.Az xəbər verir ki, bu barədə "RBK" yazır.

Baş prokurorluğun məlumatında deyilir ki, 2001-ci ildə 30 hektardan artıq olan ərazi qanunsuz olaraq dövlət mülkiyyətindən çıxarılıb və güzəştli qiymətə, dəyərindən 236 dəfə ucuz qiymətə satılıb. 

İndi prokurorluq Barvixa və Jukovka kəndlərində yerləşən həmin 13 torpaq sahəsinin müsadirə edilməsini tələb edir. 

Torpaqları müsadirə ediləcək şəxslər arasında milyarder Dmitri Mazepin və digərləri var.

Moskva vilayətinin Odintsovo məhkəməsi əvvəllər Barvixa sanatoriyasının istifadə etdiyi ərazilərlə bağlı Baş Prokurorluğun iddiası üzrə dinləmələrə başlayıb. 

Mürtəza
Ölkə.Az