Bu ölkəni təcili tərk edin - Müharibəyə görə vətəndaşlarına ÇAĞIRIŞ  

ABŞ, Almaniya, Hollandiya, Kanada və bəzi başqa ölkələr öz vətəndaşlarını Livanı tərk etməyə çağırıb.

Ölkə.Az xəbər verir ki, Ağ Evin milli təhlükəsizlik sözçüsü Con Kirbi Livandakı ABŞ vətəndaşlarını evakuasiyaya hazırlaşmağa çağırıb.

Bunun ardınca Kanada, Almaniya və Niderland Livan və İsrail arasında genişmiqyaslı müharibənin başlaya biləcəyindən ehtiyat edərək öz vətəndaşlarını Livanı tərk etməyə çağırıb.

"Almaniya vətəndaşlarından təcili olaraq Livanı tərk etmələri xahiş olunur" - ölkənin Livandakı səfirliyi xəbərdarlıq edib.

Səfirliyin bəyanatında qeyd olunub ki, belə bir vəziyyətdə hava hərəkəti dayandırıla bilər və bu, baş verərsə, uçuşlar qeyri-mümkün ola bilər.

Ümumilikdə ən azı 10 ölkə öz vətəndaşlarına buna oxşar xəbərdarlıqlar ediblər.

Mürtəza
Ölkə.Az