Çinli badmintonçu yarış zamanı dünyasını dəyişib
Çinli badmintonçu yarış zamanı dünyasını dəyişib.
"Report" xəbər verir ki, faciəvi hadisə İndoneziyada yeniyetmələr arasında təşkil olunan turnirdə baş verib.
Millinin 17 yaşlı üzvü Çjan Çjitsze yaponiyalı Kazuma Kavano ilə matçda kortda huşsuz vəziyyətdə yerə yıxılıb.
Həkim briqadası idmançıya ilkin tibbi yardım göstərərək, onu təcili yardım maşını ilə xəstəxanaya göndərib. Lakin yeniyetmə badmintonçunun həyatını xilas etmək mümkün olmayıb.
