Bill Geytsin bu sözləri ajiotaja səbəb oldu

"Kapitalizm bizi iqlim dəyişikliyindən qoruya bilməyəcək"

Ölkə.Az xəbər verir ki,"Microsoft"un təsisçisi Bill Geyts müsahibəsində özəl sektorun olduqca eqoist və zəif sistem olduğunu deyib.

O, iqlim dəyişikliyi probleminin dünyanın böyük dövlətləri tərəfindən həll oluna biləcəyini bildirib və Çin, ABŞ, Avropanın bunun üçün daha çox fəaliyyət göstərməli olduğunu dilə gətirib.

"Kapitalizm bizi iqlim dəyişikliyindən qoruya bilməyəcək. Çıxış yolu sosializmdir", - deyə Geyts bəyan edib.

Qeyd edək ki, Bill Geyts dünyada texnologiya sektorunda ən çox tanınan iş adamlarından biridir. "Microsoft"un qurucusu, davamlı olaraq hər il tərtib edilən “dünyanın ən zəngin insanları” siyahısında yer tutur. Hal-hazırda təxminən 79.3 milyard dollar dəyərində sərvətə malikdir.

Harvard Universitetinin tələbəsi olan Bill Geyts dostu Pol Allen ilə birlikdə özünün kompüter proqram təminatı şirkəti olan "Microsoft"u yaratmaq üçün universisteti tərk etmişdi.

Rəşid Mustafazadə

Ölkə.Az