Samvel Şahramanyanın avtomobili narkotikə görə müsadirə edilib

Qarabağın keçmiş separatçı başçısı Samvel Şahramanyanın avtomobili narkotik alveri ilə bağlı iş üzrə müsadirə edilib.

Ölkə.Az xəbər verir ki, bu barədə "Sputnik Ermənistan"ın sorğusuna cavab olaraq İstintaq Komitəsi məlumat yayıb.

Bildirilir ki, Qarabağın rəhbəri olmuş Samvel Şahramanyanın xidməti avtomobili narkotik vasitələrin qanunsuz dövriyyəsi ilə bağlı cinayət işi çərçivəsində müsadirə edilib. 

Faktla bağlı Ermənistan Cinayət Məcəlləsinin 393-cü maddəsinin 1-ci hissəsi və 396-cı maddəsinin 1-ci bəndi ilə (hər iki maddə narkotik vasitələrin qanunsuz dövriyyəsinə aiddir - red.) Ermənistan Cinayət Məcəlləsinin 004 UU 90 dövlət nömrə nişanlı "Camry" 2.5 markalı avtomobili müsadirə edilib.

Qeyd edək ki, iyunun 21-də Ermənistan Daxili İşlər Nazirliyinin xüsusi təyinatlıları Qarabağın İrəvandakı nümayəndəliyinin qapısını sındıraraq Qarabağ lideri Samvel Şahramanyanın xidməti avtomobilini evakuatorla aparıblar. Eyni zamanda, İstintaq Komitəsinin əməkdaşı heç bir məhkəmə qərarı təqdim etməyib, sadəcə, avtomobilin cinayət işi çərçivəsində götürüldüyünü bildirib.

Mürtəza
Ölkə.Az