Dünya Bankı bu ölkəyə quraqlıqla mübarizə üçün vəsait ayırdı
Dünya Bankı quraqlığın təsirləri ilə mübarizə üçün Zambiyaya 208 milyon dollar qrant ayırmağı təsdiqləyib.
"Ölkə.az" xəbər verir ki, bu barədə Afrika ölkəsinin Maliyyə Nazirliyi məlumat yayıb.
“Ayrılan vəsait həmçinin növbəti 12 ay ərzində quraqlıqdan zərər çəkmiş 84 ərazidə 1,6 milyon ailənin saxlanması üçün istifadə olunacaq”, – qurum bildirib.
Ötən ay Zambiya hökumətinin tələbi ilə Beynəlxalq Valyuta Fondu ölkənin kredit xəttini 1,3 milyard dollardan 1,7 milyard dollara yüksəldib.
