İranda kasıbın problemi Amerika deyil, məmurlardır - Pezeşkian  

"İranda varlı dəstənin öz ətrafı və süfrəsi var, kasıbların isə ayrı, sonra da deyirik ki, gəlin bizə səs verin. Ona görə də bu gün ölkədə kasıbın problemi Amerika deyil, bizik".

Ölkə.Az xəbər verir ki, bunu İranda prezidentliyə namizəd Məsud Pezeşkian deyib.

Pezeşkianın fikrincə, nə qədər yuxarı təbəqə kasıb təbəqə arasında normal ortam yaradılmayıb, problemlər həllini tapmayacaq. 

Etiraz aksiyaları ilə bağlı mövqeyini açıqlayan Pezeşkian deyib ki, yürdülən siyasətə görə etiraz edən alimlər, professorlar işdən çıxarılır və ya təqaüdə göndərilir, tələbələr isə universitetlərdən xaric edilir. "Biz bir tərəfdən deyirik ki, insanların söz haqqı var, digər tərəfdən isə belə sərt cəza seçirik. Bu, çıxış yolu deyil, onlara hörmət edib dinləməliyik. Məgər onlar dəlidir ki, küçəyə çıxıblar. Biz onlarla danışdıq? Onlara cavab verməyəndə də təbii ki, bu addımı atacaqlar. Danışsaydıq, belə olmazdı. Bu gənc tələblələr axı bizim gələcək elitamızdır. Günahınız varsa, üzr istəyin və deyin ki, onu düzəldəcəyik... Böhtan atmaq və damğa vurmaq çıxış yolu deyil.

Ölkəni düzəltmək istəyiriksə, ədaləti həyata keçirməliyik. Ölkəni ədalətli siyasət yürütməklə xilas etmək olar, zülmlə deyil", - Pezaşkian bildirib.

Mürtəza
Ölkə.Az