Onu sancan ilanı dişləyərək öldürdü - FOTO

Hindistanda kişi ilanı dişləyərək öldürüb.

Ölkə.Az "hindustan times"ə istinadla xəbər verir ki, hadisə Bihar əyalətininin Navada şəhərində baş verib.

Belə ki, dəmiryol işçisi Santoş Lohar tikintidə yatarkən onu zəhərli ilan sancıb. Buna qəzəblənən Lohar dəmir çubuqla tutduğu ilanı 2 dəfə dişləyərək öldürüb.

Hadisədən sonra dəmiryol işçiləri Loharı müalicə üçün yaxınlıqdakı xəstəxanaya aparıblar.

“Bizim kənddə belə bir inanc var ki, ilan səni dişləsə, zəhəri zərərsizləşdirmək üçün onu iki dəfə dişləməlisən”, - deyə o söyləyib.

Xəstəxanadan verilən açıqlamada müalicəsi davam edən Loharın həyati təhlükəsinin olmadığı, səhhətinin yaxşılaşdığı bildirilib.

Billurə