Parisdə Pompidu Mərkəzinin əməkdaşları tətil ediblər

Fransanın paytaxı Parisin Pompidu Mərkəzi şənbə günü işçilərin tətili səbəbindən ziyarətçilər üçün bağlanıb.

“Ölkə.az” xəbər verir ki, bu barədə mərkəzin “X”-dəki səhifəsində edilən paylaşımda bildirilir.

"Tətil səbəbindən Pompidu Mərkəzi və Pompidu publik informasiya kitabxanası bu gün, 6 iyulda bağlanıb. Bank kartı ilə ödənilən biletlərin dəyəri avtomatik ödəniləcək",- mərkəzin mətbuat xidməti bildirib.

“Le Monde” qəzetinin “Force Ouvriere” Həmkarlar İttifaqına istinadən verdiyi məlumata görə, Mədəniyyət Mərkəzinin işçiləri Olimpiya Oyunları zamanı işlə əlaqədar mükafatların ödənilməsini tələb edirlər. Həmkarlar İttifaqı əvvəllər 1 iyul - 8 sentyabr tarixləri arasında tətil üçün müraciət edib. Qurum tələblər yerinə yetirilənə qədər aksiyaların davamlı olacağını istisna etməyib.

Qeyd edək ki, Olimpiya Oyunları iyulun 26-dan avqustun 11-dək keçiriləcək.(Report)