ABŞ rəsmisinin bölgəyə səfəri: Sülh, yoxsa gərginliyin körüklənməsi... 

ABŞ dövlət katibinin mülki təhlükəsizlik, demokratiya və insan haqları üzrə müavini Uzra Zeya Cənubi Qafqazda səfərdədir.  İyulun 17-dək davam edəcək səfəri zamanı xanım Zeya Tbilisi və İrəvanda demokratik idarəçilik və korrupsiyaya qarşı mübarizə, media və vətəndaşların fikir azadlığı, həmçinin marginallaşmış və həssas qrupların daxil edilməsi məsələlərini müzakirə edəcək. 

Ölkə.Az xəbər verir ki, bu barədə ABŞ Dövlət Departamentinin bəyanatında deyilir.

Bəyanatda deyilir ki, xanım Zeya Tbilisidə keçirdiyi görüşlərdə Gürcüstan hakimiyyətinin diqqətinə Ağ Evin xarici agentlər haqqında qəbul edilən qanun və digər qeyri-liberal qanunlar, habelə Gürcüstan hökumətinin Avroatlantik trayektoriyanı təhdid edən zəzərli ritorikası ilə bağlı narahatlığını çatdıracaq.

O, eyni zamanda ABŞ ilə münasibətlərə xələl gətirən hərəkətlərə öz etirazını bilidirəcək.

ABŞ dövlət katibinin müavini Ermənistanda keçirəcəyi görüşlərdə isə ABŞ-Ermənistan tərəfdaşlığının gücləndirilməsi, korrupsiya ilə mübarizə və məhkəmə islahatları sahələrində demokratik nailiyyətlərinin irəliləyişinə dair məsələləri müzakirə edəcək. 

Demokratik dəyərlərdən dəm vuran ABŞ rəsmisi İrəvana səfəri çərçivəsində uydurma soyqırımı "qurbanları"nın xatirəsini yad etmək üçün "Soyqırım" Memorialını ziyarət edəcək. 

Dövlət katibinin müavini Zeya dini etiqad azadlığına hörməti təşviq etmək və mədəniyyətin qorunub saxlanmasına dəstək vermək üçün Axpat monastırına baş çəkəcək.

Hər bir dövlətin hər hansı digər bir ölkəyə ikitərəfli münasibətlər qurub inkişaf etdirməsi, onun daxili işidir və kimsə buna müdaxilə edə bilməz. Amma və lakin... Özünü dünyada demokratiyanın qanunun aliliyinin, beynəlxalq təhlükəsizlik sisteminin təminatçısı rolunda çıxış edən bir dövlətin Cənubi Qafqaz ölkələri ilə münasibətində təzadlı və ayrıcılıq siyasətinə üstünlük verməsi bölgədə sülhə, sabitliyə və sıx əməkdaşlığa deyil, gərginliyin davam etməsinə xidmət etmir. 

Dövlət katibinin müavini Uzra Zeyanın Ermənistan səfəri dediklərimizin bariz nümunəsidir. ABŞ bir yandan Cənubi Qafqazda sülhü, birgə yaşayışı təşviq edir, amma digər tərəfdən real əməlində bunun əksini göstərir. Zeyanın İrəvanda uydurma soyqırımı abidəsinə baş çəkəcəyi və onun digər görüşləri bunun bariz nümunəsidir. Necə olur ki, ermənilərlə bağlı məsələlərə bu qədər həssas yanaşan Ağ Evin Azərbaycanla münasibətlərində bunun tam əksinin şahidi oluruq. Bu bir daha ABŞ-nin bölgədə dayanıqlı sülhün təmin olunmasında qeyri-səmimiliyini və maraqlı olmadığının göstəricisidir. Əgər Ağ Ev doğrudanda bölgə  dayanıqlı sülhün, sabitliyin, təhlükəsizliyin təmin olunmasında doğrudan da maraqlı olsaydı, o zaman regionda sülhü təmin etməyə əngəllik yaradan həssas məsələlərə diqqət yetirərdi. Amma biz bunun şahidi olmuruq. 

Mürtəza
Ölkə.Az