Britaniyanın tibb işçiləri xərçəng hüceyrələrini partladan nano-qumbaralar hazırladılar

Liverpulda onkologiyaya qarşı mübarizə konfransına xərçəng hüceyrələrində yaranan istiliyin təsiri altında xüsusi “nanoqumbaralar”ın partlayaraq xərçəng əleyhinə dərmanları düz şişin üstünə vurmasına dair yeni kəşf haqqında məruzə təqdim edilib.

Bu kəşfin müəllifləri Böyük Britaniyada Mançester Universitetinin alimləridir. Onlar əvvəlcədən bildiriblər ki, bu icad yalnız laboratoriya şəraitində sınaqdan keçirilib, lakin nəzəriyyəyə görə “nanoqumbaralar” insanlar üzərində də işləməlidir. Onlar liposom adlı mikroskopik maye kürəciklərin bazasında yaradılıb. Sintetik piyli molekullardan ibarət “nanozirehlərlə” əhatə olunan bu kürəciklər orqanizmə düşərək dağılır.

Tədqiqatçılar qrupunun nümayəndəsi Kostas Kostarelos deyib: “İstilik “mili” 42 dərəcə Selsidə qurulub, bu isə normal bədən temperaturundan cəmi bir necə dərəcə çoxdur. Biz “qumbaraların” işini hələlik laboratoriyada yoxlamışıq, insan orqanizmində xərçəng hüceyrələrini “qızdırmaq” üçün bir sıra üsullar mövcuddur, onlardan bir hissəsi tibbi praktikada istifadə olunur”.

Alimlər liposomaların strukturunu elə dəyişiblər ki, onların sabitliyi ətraf mühitin temperaturundan asılı olmağa başlayıb. Əgər maye 42 dərəcədən soyuq olacaqsa, onda piy kürəciklər sabitliyi qeyri-məhdud vaxtadək qoruyacaq. Lakin onlar müvafiq dərəcəyədək qızdırılarsa, onda dərhal dağılacaq və içindəkiləri bayıra atacaq.

Alimlər laboratoriyada “nanoqumbaranın” köməyi ilə gəmiricilərdə melanomanı məhv edə biliblər. Tədqiqatçılar inanırlar ki, yaxın vaxtlarda onlara kliniki sınaqların aparılması üçün icazə veriləcək.AzərTAc

Ölkə.Az