Ərdoğanla Makron İrəvanla Bakı arasında sülhü müzakirə edib

Türkiyə prezidenti Rəcəb Ərdoğan Fransa prezidenti Emmanuel Makron Ermənistan və Azərbaycan arasında münasibətlərin normallaşdırılması məsələlərini müzakirə edib.

Ölkə.Az xəbər verir ki, Fransa prezident aparatının yaydığı məlumata görə, Ərdoğanla Makron arasında görüş Vaşinqtonda NATO sammiti çərçivəsində baş tutub. 

“Fransa prezidenti regionda yeni səhifə aça biləcək sülh sazişinin tezliklə əldə edilməsi məqsədi ilə Ermənistan və Azərbaycan arasında davam edən dialoqu dəstəklədiyini bir daha təsdiqləyib”, -  məlumatda bildirilir.

Məlumatda həmçinin Ərdoğanın Türkiyə ilə Fransa arasında bütün sahələrdə əlaqələrin gücləndiyini, o cümlədən Türkiyənin Avropa İttifaqına daxil olması prosesinin intensivləşdirilməsinin vacibliyini vurğulandığı qeyd olunub.

Mürtəza
Ölkə.Az