Kılıçdaroğlu seçkilərdən danışdı: \"Mən istefa verən deyiləm...\"

"Mən istefa edən deyiləm və qaydalar nəyi tələb edirsə, onlar da olacaq"

Ölkə.Az xəbər verir ki, Cümhuriyyet Xalq Partiyası (CHP) lideri Kamal Kılıçdaroğlu seçki nəticələri ilə bağlı önəmli açıqlama verib.

"Ortaya çıxan mənzərə CHP-nin məsuliyyətini daha da yüksəldir. Buna əsas səbəb digər müxalif partiyaların məğlub olmasıdır. Bu günə qədər hər zaman məzlumun yanında olduq və bundan sonra da bu yolda davam edəcəyik. CHP-ni digər partiyaya, məni isə başqalarına oxşatmayın. Bizim onsuz da qurultayımız keçiriləcək. Mən istefa edən deyiləm və qaydalar nəyi tələb edirsə, onlar da olacaq. Bizə səs verənlərin sayı artsa da, biz hələ də uğur qazanmamışıq", - deyə Kılıçdaroğlu bildirib.

Xatırladaq ki, seçkidən sonra MHP lideri Dövlət Baxçalının partiya sədrliyindən istefa verəcəyi xəbərləri yayılmışdı.

AKP-yə yaxınlığı ilə seçilən jurnalist Erhan Çelik Dövlət Baxçalının istefa qərarı verdiyini dilə gətirmişdi.

1997-ci ildən sədr seçilən Dövlət Baxçalı ümumi olaraq 14 dəfə seçkidə uduzub.

Rəşid Mustafazadə

Ölkə.Az