Əcnəbilər Azərbaycanda bu sahələrə daha çox maraq göstərir - ADLAR

Azərbaycanda xarici ölkə vətəndaşlarının sərmayəsi ilə açılan müəssisələrin sayı 18 min 781 olub və cəmi müəssisələrin 9,2 faizini təşkil edib.

Sfera.az xəbər verir ki, Azərbaycanda bütün sahələrdə əcnəbilərə aid müəssisələr var. Amma daha çox müəssisə bir neçə sahədə cəmləşib.

Əcnəbilər daha çox müəssisəni ticarət sahəsində yaradıb. Burada 5430 xarici müəssisə fəaliyyət göstərir. İnzibati və yardımçı xidmətlərdə 2460, peşə, elmi və texniki fəaliyyət sahələrdə 1994, turizm sahəsində 1857 müəssisə fəaliyyət göstərir.

Adıçəkilən sahələrdə əcnəbilərə aid müəssisələrin sayı çox olsa da həmin sahələrdə onların payı az (turizm istisna olmaqla) olub. Sahələr üzrə ən yüksək pay toxunulmazlıq hüququ olan təşkilatlar bölməsindədir. Burada 100 müəssisə fəaliyyət göstərir ki, onun da 96-sı, yəni 96 faizi əcnəbilərə məxsusdur.

Turizm sektorunda isə bütün müəssisələrin 35 faizi əcnəbilərə aiddir.