ABŞ-da səmada naməlum işıq parıltısından sonra qəribə vibrasiyalar müşahidə edilib

Nyu-Yorklular səmada güclü işıq çaxması və bunun ardınca ayaqlarının altında qəribə titrəyişlər hiss ediblər.

Sfera.az bildirir ki, məlumata görə, meteor birbaşa Azadlıq heykəlinin üzərindən uçub və Manhetten üzərində parçalanıb. Bu zaman sakinlər yerin hərəkətini hiss ediblər.

Bildirilir ki, insanlar Azadlıq heykəlinin üstündə meteoru gördükdən sonra dövlət orqanlarına şikayətlər daxil olub. Onlar "yerin hərəkətini" hiss etdiklərini bildiriblər. İnsanlar meteorun yerdən çox aşağı keçdiyini güman edirlər.

NASA daha sonra bildirib ki, bu, həqiqətən də Azadlıq heykəlinin üzərindən uçan və birbaşa Manhetten üzərində parçalanan bir meteordur. Kosmik cisim yerdən təxminən 79 kilometr yüksəklikdən uçub.

Nyu York Şəhər Fövqəladə Hallar İdarəsi (NYCEM) İctimai İnformasiya üzrə İcraçı Direktoru Aries Dela Cruz, agentliyə hadisə ilə bağlı dağıntı və ya xəsarətlər barədə məlumat daxil olmadığını bildirib.

Amerika Meteorlar Cəmiyyətinin hesabat koordinatoru Robert Lunsford, meteorun ehtimal ki, balaca top ölçüsündə olduğunu bildirib.

Əvvəllər bir UFO həvəskarı kosmik gəminin qalıqlarının çiçək ləçəklərindən daha yüngül olduğunu bildirib. Tədqiqatçı Bob Spiering materialın çox yüngül və məsaməli olduğunu deyib. O əlavə edib ki, tapıntı insan fəaliyyətinin nəticəsi ola bilməz.

İnsanlar Kanada üzərində də naməlum bir parlaq işıq görüblər. Bir cütlük səmada qeyri-adi obyektin evlərinin üzərində uçduğunu görüblər. Onların sözlərinə görə, obyektdən, demək olar ki, heç bir səs çıxmayıb.