Olduqca nadir xəstəlik: 21 aylıq körpə qan ağlayır - FOTO
İngiltərədə 21 aylıq körpədə olduqca nadir rast gəlinən xəstəlik aşkarlanıb.
Sfera.az bildirir ki, körpənin gözlərinin böyüməsinə və qan ağlamasına səbəb olan bu xəstəlik səbəbindən kor olmaq riski var.
Aretria Bice adlı körpə hamının heyran olduğu iri mavi gözlərlə doğulub.
2023-cü ilin may ayında, hələ altı aylıq ikən, Aretrianın bir gözü "südlü" və işığa qarşı həssas olmağa başlayıb.
Xəstəxanaya yerləşdirildikdən sonra Aretriaya ikitərəfli anadangəlmə qlaukoma, optik sinirdə həddindən artıq və təzyiq artmasına səbəb olan genetik anormallıq diaqnozu qoyulub.
Körpəyə bir sıra təcili cərrahiyyə əməliyyatları edilib və gözündən artıq mayeni çıxarmaq üçün boru taxılıb. Lakin əməliyyat uğursuz olub və gözlərdən biri hətta qan ağlamağa başlayıb.
Aretrianın anası Luiza Bice:
"Gözlərindən qırmızı qan axırdı. Mən sanki körpənin qorxu filmlərindən birindən çıxmış kimi hiss etdim. İndi altıncı əməliyyatı olacaq. Gözləri böyüməyə davam edir və heç bir şansı yoxdur. Müalicədən sonra da kiçilməyə başladı”.
Gecələri belə eynək taxır
Körpəsinin sutkada 24 saat eynək taxdığını deyən Luiza:
“Çox qorxduğu üçün gecələr belə eynək taxmalı olur" - deyə bildirib.
Uşağının çoxlu əməliyyatlar keçirdiyini deyən ana Aretrianın xəstəxana qoxusunu duyanda belə qorxudan ağladığını deyir. Luiza körpəsinin gözlərinin kiçilməyəcəyini bildiklərini, lakin nə vaxtsa hər şeyin yaxşılaşacağına və görmə qabiliyyətinin pisləşməyəcəyinə ümid etdiklərini bildirir.
Uşağında eyni xəstəlik olan başqa bir valideynlə heç vaxt rastlaşmadığınl deyən Luiza:
“İnsanlara onun nə olduğunu deyəndə, daha əvvəl heç eşitmədiklərini bildirirlər. Böyük, gözəl gözlərə sahib olmaq hər zaman yaxşı bir şey deyil” - deyə əlavə edib.
Luiza digər valideynləri də əlamətlərə diqqət yetirməyə çağırır. Ana deyir ki, o, qarşılaşdığı hər kəsdə bu məsələ ilə bağlı məlumatlılığı artırmağa çalışır.
"İndi dostlarım körpələrinin fotolarını sosial şəbəkələrdə yerləşdirəndə, onların normal ölçüdə olub-olmadığını yoxlamaq üçün davamlı olaraq gözlərinin içinə baxıram. İstəmirəm ki, balaca qızımın başına gələnləri başqası da yaşasın. İnsanlar nə qədər tez fərqinə varsalar, simptomlara müdaxilə etmək, bir o qədər asan olar".
Bəs QLAUKOMA nədir?
Qlaukoma yüksək göz içi təzyiq nəticəsində optik sinirin zədələnməsi ilə xarakterizə olunan göz xəstəliyidir. Gözdaxili təzyiq normal olaraq gözdə olan mayenin (gözdaxili maye) balanssız istehsalı və ya drenajının pozulması nəticəsində arta bilər. Bu artım optik sinirə təzyiq göstərərək optik sinir liflərinin ölməsinə və zamanla görmə itkisinə səbəb olur.
Əlamətləri nədir?
Qlaukoma ümumiyyətlə mütərəqqi bir xəstəlikdir və onun simptomları tez-tez erkən mərhələlərdə hiss olunmur. İrəliləyən hallarda görmə sahəsinin daralması, rəngli halqalar, bulanıq və ya görmə azalması kimi simptomlar meydana gələ bilər. Risk faktorlarına yaş, genetika, yüksək göz içi təzyiq və miyopi kimi əlamətlər daxildir.
Qlaukoma müalicəsi adətən göz içi təzyiqini nəzarət altında saxlamaq və optik sinirə təzyiqi azaltmaq məqsədi daşıyır. Müalicə variantlarına göz damcıları, dərmanlar, lazer müalicəsi və cərrahi müdaxilə daxildir. Erkən diaqnoz və müntəzəm göz müayinələri qlaukoma inkişafını yavaşlatmaq və ya dayandırmaq üçün vacibdir.
