Priqojinin qəbrini təhqir edən şəxs saxlandı

Sankt-Peterburq polisi Poroxovskoye qəbiristanlığında qəbirlərdən birinə təhqiramiz plakatlar yapışdıran yerli sakinin həbs edildiyini açıqlayıb. Söhbət "Vaqner" qruplaşmasının qurucusu Yevgeni Priqojinin məzarından gedir.

Bu barədə RİA Novosti məlumat yayıb.

Rusiya Federasiyası Daxili İşlər mətbuat xidmətinin məlumatına görə, bir gün əvvəl Poroxovski qəbiristanlığının mühafizəçisi posterlər yapışdıran 36 yaşlı sərxoş kişini saxladığını bildirib.

“Gələn polis əməkdaşları qeyd olunan plakatları götürərək qanun pozucunu sərxoş halda ictimai yerdə olduğuna görə inzibati məsuliyyətə cəlb ediblər”, - deyə idarədən bildirilib.

Onlar həmçinin qeyd ediblər ki, qəbrin dəqiq kimə məxsus olduğu göstərilmədən Rusiya Federasiyası Cinayət Məcəlləsinin 244-cü maddəsinin 1-ci hissəsi (ölmüşlərin cəsədlərinin və onların basdırıldığı yerlərin pozulması) ilə cinayət işi açılıb. Sonradan bildirib ki, söhbət Yevgeni Priqojinin məzarından gedir.

Məhbus məzarın üzərinə 3 təhqiredici plakat yapışdırıb. O, Voronej vilayətindəndir və əvvəllər oğurluğa görə məhkum olunub.

Qeyd edək ki, Priqojin və daha 9 nəfərin olduğu biznes təyyarəsi 2023-cü il avqustun 23-də Tver vilayətində qəzaya uğrayıb. Bütün sərnişinlər və ekipaj üzvləri ölüb, İstintaq Komitəsi molekulyar genetik müayinələrdən sonra bunu rəsmən təsdiqləyib./BAKU.WS