Misirdə “təyyarənin qəzaya uğradığı ərazidə yeni cəsədlər tapılıb
Rusiya xilasediciləri Misirdə “Airbus 321” təyyarəsinin qəzaya uğradığı ərazidə yeni cəsədlərin qalıqlarını tapıb.
Bu barədə Rusiya FHN əməliyyat qrupunun rəhbəri Aleksandr Aqafonov bildirib.
Onun sözlərinə görə, təyyarənin qalıqları böyük ərazini əhatə edir, bu da onun səmada parçalanmasını təsdiqləyir.
Davam edən axtarışlarda Rusiya FHN-in 80-dək əməkdaşı iştirak edir.
Bundan əvvəl qəza nəticəsində ölən 224 nəfərdən 171 nəfərin cəsədinin tapıldığı bildirilib. (APA)
Ölkə.Az
