Ronaldo: \"\"Real\"ı tərk etmək? Niyə də yox\"

"Heç kim bilmir sabahın necə olacağını"

Ölkə.Az xəbər verir ki, Madridin "Real" klubunun hücumçusu Kriştiano Ronaldo klubdan gedişini istisna etməyib.

""Realı" tərk etmək? Niyə də yox. Hazırda mən Madriddə oynasam da, futbolda nə baş verəcəyini bilmək olmur. Səni xoşbəxt edən şeyi etmək lazımdır. Heç kim bilmir sabahın necə olacağını", - deyə futbolçu bildirib.

Xatırladaq ki, Ronaldonun "Real"ı tərk etmək istədiyi barədə xəbərlər yayılmışdı. Yayılan məlumatlara əsasən, futbolçunun agenti Jorje Mendeş portuqaliyalı üçün yeni komanda axtarışlarına başlayıblar. Bildirilir ki, onun üçün prioritet klub "Mançester Siti" və "PSJ"dir.

Bir müddət öncə, "Mançester Yunayted"in idmançı üçün 124 milyon avro ödəməyə hazır olduğu barədə xəbərlər yayılmışdı.

Qeyd edək ki, Ronaldo futbol tarixinin ən bahalı oyunçusuna çevrilib. "Real Madrid" ilə bağladığı müqaviləyə əsasən ildə 12 milyon avro qazanan futbolçu, dünyanın ən çox qazanan futbolçularından biridir.

Rəşid Mustafazadə

Ölkə.Az