Toyuğa görə xalasını və qardaşı oğlunu güllələdi

Toyuğun bağçaya girməsi səbəbindən qohumlar arasında yaranan mübahisənin sonu iki nəfərin ölümü, birini yaralanması ilə bitib.

Ölkə.Az xəbər verir ki, hadisə Türkiyənin Gümüşhanə bölgəsinin Kelkit rayonunun Alaçat kəndində baş verib.

İddiaya görə, Ümit Yapıcıoğlu qohumlarının toyuqlarının bağçasına girdiyi üçün xalası Nurten Yapıcıoğlu ilə mübahisə edib.

Mübahisə sonda davaya çevrilib. Ümit Yapıcıoğlu tapança ilə atəş açıb. Hadisə zamanı Ümitin xalası Nurten və qardaşı oğlu Əli Yapıcıoğlu aldığı güllə yarasından ölüb. Ümitin qohumu Kadir Yapıcıoğlu isə ağır yaralanıb.

Yaralı Kadir Yapıcıoğluna ilkin tibbi yardım göstərildikdən sonra xəstəxanaya aparılıb. Onun vəziyyəti ağır olduğu bildirilib. Toyuq mübahisəsi zamanı qohumlarını güllə ilə vuran Ümit Yapıcıoğlu polis tərəfindən saxlanılıb.

Mürtəza
Ölkə.Az