İsrail ordusu Livanla sərhəddə iki PUA aşkarladı

İsrail ordusu Livandan iki pilotsuz uçan aparatın hava məkanına daxil olmasını qeydə alıb. "Ölkə.az" xəbər verir ki, bu barədə İsrail ordunun mətbuat xidməti məlumat yayıb.

Məlumata görə, sərhəddəki İftah qəsəbəsi ərazisində düşmən hədəfləri aşkar edilib. Pilotsuz təyyarələrdən biri hava hücumundan müdafiə qüvvələri tərəfindən uğurla vurulub, digəri isə İftah yaxınlığında düşüb. Ölən və yaralananlar barədə məlumat verilmir.

Bundan əlavə, Livandan daha bir atəş də qeydə alınıb. Ştula sərhəd yaşayış məntəqəsi istiqamətində iki mərmi atılıb və bu səbəbdən həmin ərazidə hava hücumu xəbərdarlığı elan edilib. Oradan da itkilər barədə məlumat verilmir.

İsrail əsgərləri də öz növbəsində gün ərzində Livanın cənubundakı Kfar-Killa kəndinin kənarına hava zərbələri endirib. Onların hədəfi Hizbullah təşkilatının silahlı qüvvələrinin istifadə etdiyi obyektlər olub. Verilən məlumata görə, onlardan biri silah anbarı kimi istifadə edilib, digərinin yaxınlığında isə silahlı radikal qruplaşmanın üzvlərinin olması müşahidə edilib.

Bundan başqa, İsrail artilleriyası “təhlükəni aradan qaldırmaq üçün” Cibbin və Labune yaşayış məntəqələrinin kənarlarını atəşə tutub.

Elvin 

Ölkə.az