Yaxın onilliklərdə Asiya dünyanın mərkəzi olacaq - Orban

Asiya dünyanın dominant mərkəzinə çevriləcək, BRİKS qrupu və Şanxay Əməkdaşlıq Təşkilatı (ŞƏT) yeni dünya nizamının institusional əsası olacaq.

"Ölkə.az" xəbər verir ki, bu fikri Macarıstanın Baş naziri Viktor Orban Rumıniyanın Baile Tusnad şəhərində çıxışı zamanı deyib.

“İndi dünya nizamında dəyişiklik var.Yaxın onilliklərdə və bəlkə də əsrlərdə dünyanın dominant mərkəzi Asiya - Çin, Hindistan, Pakistan, İndoneziya", Orban deyib.

Macarıstanın baş naziri hesab edir ki, bunun üçün institusional baza artıq formalaşır - BRİKS və ŞƏT yaradılıb.

Orban bu prosesi qaçılmaz adlandırıb, çünki onun sözlərinə görə, Asiya artıq demoqrafik, texnoloji və kapital üstünlüyünə nail olub.

BRICS qrupu 2006-cı ildə yaradılıb, 2011-ci ildə Cənubi Afrika orijinal tərkibə (Braziliya, Rusiya, Hindistan və Çin) qoşulub. Misir, İran, Birləşmiş Ərəb Əmirlikləri, Səudiyyə Ərəbistanı və Efiopiya 2024-cü il yanvarın 1-dən BRİKS-in tamhüquqlu üzvü olub. Assosiasiya qeyri-blok xarakterlidir və üçüncü tərəflərə qarşı yönəlməyib. 2024-cü il yanvarın 1-də BRİKS-ə sədrlik Rusiyaya keçib.

Elvin

Ölkə.az