Seymur Herş: Obama, Baydeni hədələyərək istefaya məcbur edib
ABŞ-ın sabiq prezidenti Barak Obama Ağ Evin hazırkı rəhbəri Co Baydeni prezidentlik yarışından könüllü olaraq geri çəkilməyəcəyi təqdirdə ABŞ Konstitusiyasına 25-ci düzəlişə uyğun olaraq hakimiyyətdən uzaqlaşdırılacağı ilə hədələyib.
"Ölkə.az" xəbər verir ki, bunu tanınmış amerikalı jurnalist Seymur Herş bildirib.
“Obama səhər yeməyindən sonra Baydenə zəng edərək, “Deməli belə! Biz Harrisin 25-ci düzəlişə müraciət etmək üçün razılığını almışıq”, - deyib” - Herş yazıb.
O qeyd edib ki, konstitusiyaya edilən 25-ci dəyişikliyə əsasən, ölkə prezidenti fəaliyyət qabiliyyətini itirdiyi halda vəzifəsindən kənarlaşdırıla bilər və bu halda onun səlahiyyətləri vitse-prezidentə verilir.
Herşin sözlərinə görə, Obama Baydenə zəng edəndə Harrisin ABŞ prezidentliyinə namizəd olmaq üçün Demokratlardan razılıq alacağı artıq aydın idi.
Son sorğuya əsasən, amerikalı seçicilərin əksəriyyəti ABŞ prezidenti Co Baydenin vəzifəsini vaxtından əvvəl tərk etməli olduğuna inanırdı.
