Sinqapurlular ən sağlam millət seçildi

“Bloomberg” agentliyinin BMT, Dünya Bankı və Ümumdünya Səhiyyə Təşkilatının məlumatları əsasında apardığı əhalisi ən sağlam olan ölkələrlə bağlı araşdırmasının nəticələri açıqlanıb.

Dünyanın ən sağlam 145 ölkəsi arasında Azərbaycan 87-ci pillədədir.

Əhalisinin sayı 1 milyondan çox olan ölkələr nəzərdən keçirilib, onlar “sağlamlıq” üçün müəyyən xallar alır, daha sonra isə bu xallardan “sağlamlıq üçün risklər”ə görə xallar çıxılırdı.

Sağlamlıq göstəriciləri həyatın gözlənilən davamiyyəti, ölüm səbəbi, yaş qruplarından asılı olaraq ölüm həddi və s. amillər üzrə qiymətləndirilir.

Risklər isə sağlamlığa neqativ təsir edəcək əlamətlər haqqında məlumatlara əsasən öyrənilirdi: gənclər arasında siqaret çəkənlərin sayı, əhali arasında yüksək xolesterin və təzyiq səviyyəsi, vaksinasiyanın yayılması, piylənmə və HİV-ə yoluxmadan əziyyət çəkənlər, ekoloji çirklənmənin səviyyəsi və s.

Sinqapurlular 89,45% toplayaraq birinci yerdə, 89,07% ilə italyanlar ikinci yerdədirlər, əsas üçlüyü 88,33% ilə Avstraliya yekunlaşdırır.

İlk onluqda İsveçrə (dördüncü yer 88,29%), Yaponiya (5-ci yer 86,83%) və İsrail (6-cı yer, 85,97%) yer alırlar, daha sonra İspaniya, Niderland, İsveç və Almaniya gəlir.

Böyük Britaniya 21-ci (76,84%), ABŞ 66,84% ilə 33 yerdədir.

Rusiya 26,44% toplayaraq 145 ölkənin arasında 97-ci olub.

Postsovet respublikaları arasında ən sağlam ölkə 57-ci yerdə olan Estoniyadır. Litva siyahıda 80-ci sıradadır. Sonrakı yerlərdə Tacikistan (84), Özbəkistan (85), Belarus (91), Rusiya (97), Ukrayna (99), Qırğızıstan (101), Türkmənistan (104) və Qazaxıstandır (111).