Ərdoğan-Əsəd görüşünə görə kəşfiyyat hərəkətləri olub

Moskvada Əsəd-Putin görüşündə Türkiyə prezidenti Rəcəb Tayyib Ərdoğanla Suriya prezidenti Bəşər Əsədin görüşü gündəmdə olub.

Ölkə.Az “Türkiye gazetesi"nə istinadən xəbər verir ki, bunu Kremlin sözçüsü Dmitri Peskov deyib.

O, Putinin Əsədlə Türkiyə prezidenti Rəcəb Tayyib Ərdoğanla zirvə görüşünün keçirilməsi imkanlarını müzakirə etdiyini desə də, görüşün nə zaman baş tutması barədə bir söz deməyib. 

"Türkiye gazetesi"nin yazdığına görə, Türkiyə ilə Suriya arasında normallaşma prosesini həyata keçirən iki ölkənin kəşfiyyat xidmətlərinin son bir ayda üç kritik görüş keçirib. 

"Rusiya Xarici Kəşfiyyat Xidmətinin direktoru Sergey Narışkinin Ankaraya xüsusi səfər edib. Bu səfər zamanı Ərdoğanla Əsəd arasında zirvə görüşü, görüşün tarixi və  keçirləcəyi ölkənin müəyyən edilməsi ilə bağlı MİT sədri İbrahim Kalınla məsləhətləşmələr aparıb", - nəşr yazıb. 

Qeyd edilib ki, iki liderin görüşü hər an baş tuta bilər. Ankaradakı mənbələr nəşrə bir müddətdir təxirə salınan Ərdoğan-Putin görüşü ilə paralel olaraq Ərdoğan-Əsəd görüşünün baş tuta biləcəyini bildiriblər. 

Bu görüşdə Rusiya prezidenti Putinin də iştirak edəcəyi istisna edilməyib.  

Nəşr görüşün Türkiyə-Suriya sərhədindəki "Kesep Gate"də ən geci avqust ayında keçiriləcəyini yazıb.

Mürtəza
Ölkə.Az