Qərbdən Kiyevə yeni silahlar və 1,5 mlrd dollarlıq yardım

ABŞ Dəstək Fondundan Ukraynaya 1,5 milyard dollar hərbi yardım edəcək. 

Ölkə.Az xəbər verir ki, bu barədə Pentaqonun yaydığı məlumatda deyilir. 

Ağ Evin Milli Təhlükəsizlik Şurasının Strateji Kommunikasiyalar üzrə koordinatoru Con Kirbi isə açıqlmasında prezident səlahiyyətləri çərçivəsində ayrılacaq 200 milyon dollarlıq hərbi yardımı açıqlayıb. 

ABŞ-nin yeni silah paketinə NASAMS və HIMARS raketləri, hava hücumundan müdafiə sursatları, artilleriya mərmiləri, elektron söndürmə sistemləri, ehtiyat hissələri və kommersiya peyk görüntüləri xidmətləri daxildir.

Almaniya hökumətinin yaydığı məlumata görə isə Danimarka ilə birgə layihə çərçivəsində səkkiz "Leopard1 A5" tankını Ukraynaya təhvil verib. 

Hökumət saytında qeyd edilir ki, yeni tədarükü nəzərə alaraq, Berlin və Kopenhagen artıq Ukrayna Silahlı Qüvvələrinin sərəncamına bu tipli 58 tank verib. Hollandiya isə yayın sonunadək 14 "Leopard2" tankı verəcəyini açıqlayıb.

Mürtəza
Ölkə.Az