Dilənçinin bir gündə yığdığı pul hər kəsi heyrətə gətirdi - FOTO

Türkiyədə yaşlı dilənçinin üstündən çıxan pul görənləri xeyli təəccübləndirib.

Ölkə.Az İHA-ya istinadla xəbər verir ki, Türkiyənin Elazığ şəhərində polis qrupları dilənçilərə qarşı əməliyyat keçirib.

Aparılan araşdırmalar çərçivəsində xüsusilə məscid qarşısında və insanların tez-tez istifadə etdiyi ərazilərdə olan dilənçilər bir-bir yaxalanıb.

Polis məntəqəsinə gətirilən dilənçilər üzərində axtarış aparılıb. Bu zamanı təkcə bir dilənçinin üzərindən 10 min 780 lirə (təxminən 554 AZN) tapılıb. Onun bu məbləği bir gündə topladığı üzə çıxıb.

“Vətəndaşlarımıza demək istəyirik ki, onların xalqımızın dini hisslərini istismar etməklə gündəlik nə qədər qazandığını görürsünüz. Bir gündə 10 780 lirə qazanıb. Vətəndaşlarımızdan xahiş edirik ki, belə insanlara yox, ehtiyacı olanlara kömək etsinlər. Minimum əməkhaqqı ilə işləyən vətəndaş bir ayda qazandığı qədər pulu bu vətəndaşlar bir gündə qazanırlar” – polisin açıqlamasında deyilir.

Billurə Yunus