"ABŞ-ın dəstəyi ilə dövlət çevrilişinə cəhd olub"

Ultra sağçı müxalifətin ABŞ və müttəfiqlərinin dəstəyi ilə Venesuelada dövlət çevrilişinə cəhd etdiyi bildirilir.

"Ölkə.az" xəbər verir ki, bunu Venesuelanın müdafiə naziri Vladimir Padrino Lopez deyib.

“Biz hazırda imperialist qüvvələr - Şimali Amerika imperializmi və onun müttəfiqləri tərəfindən dəstəklənən sağ ekstremistlərin dövlət çevrilişinə cəhdinin şahidi oluruq.”, - deyə Lopez bildirib.

Mətbuat konfransında çıxış edən Lopez daha sonra sözlərinə belə davam edib:

“Çevrilişin qarşısını almaq üçün prezident Nikolas Maduro hərəkətə keçib. Biz də onunla birlikdə xalqın və bütün demokratik qurumların da dəstəyi ilə müdaxilə edirik. Biz bu dövlət çevrilişini bir daha yatırmaq niyyətindəyik. Venesuela xalqının və ordumuzun qarşısında dayana biləcək heç kim yoxdur.”