Çində faciə: 19 ölü
Çinin şimal-qərbindəki Şaanşi əyalətində meydana gələn torpaq sürüşməsi nəticəsində 19 nəfər həyatını itirib.
Ölkə.Az Şinhua agentliyinə istinad edərək xəbər verir ki, Şaanşi əyalətinin Yanan şəhərində şosse inşası zamanı meydana gələn qəza nəticəsində 19 nəfər həyatını itirib və iki nəfər yaralanıb.
Şaanşi əyalətindəki Huangling şəhərini Yanan şəhərinə bağlayan şossesində işləyən 9 işçinin hadisə yerində və 10 işçinin xəstəxanada öldüyü bildirilib.
Hadisə ilə əlaqədar istintaq aparılır və digər fövqəladə hadisələrin baş verməməsi üçün geoloji araşdırmalara başlanılıb.
Rəşid Mustafazadə
Ölkə.Az
