ABŞ-da qarşıdurmalar səngimir
18 yaşlı qaradərili gəncin öldürülməsi gərginliyin yenidən alovlanmasına səbəb olub
Ölkə.Az xəbər verir ki, Amerika Birləşmiş Ştatlarının Sent Luis və Fergüson şəhərlərində son iki ayda polislərin öldürdüyü iki qaradərili gəncin xatirəsinə yürüşlər təşkil olunub.
Sent Luisdə baş tutan nümayişdə fəallar təhlükəsizlik qüvvələrini irqçilikdə ittiham edərək onlara qarşı şüarlar səsləndiriblər. Qarşıdurmalar zamanı bir polis əməkdaşı xəsarət alıb. Etirazlar zamanı bir qrup fəal Amerika bayrağını yandırıb və polisə qarşı zorakı hərəkətlər edib. Bu əməlləri törədən iki nəfər həbs edilib.
Xatırladaq ki, iki gün öncə Sent Luisdə 18 yaşlı qaradərili gəncin öldürülməsi ştatda gərginliyin yenidən alovlanmasına səbəb olub. Qaradərili ABŞ vətəndaşları hadisənin irqçilik zəminində baş verdiyini iddia etsə də, polis gəncin əlində silah olduğunu əsas gətirib.
Rəşid Mustafazadə
Ölkə.Az
