"Squid game"in yeni sezonu bu tarixdə yayımlanacaq
Son dövrlərin məşhur seriallarından olan Cənubi Koreya istehsalı “Squid Game” (Kalmar oyunu) serialının ikinci sezonunun yayım tarixi açıqlanıb.
Ölkə.Az NTV-yə istinadla xəbər verir ki, “Netflix” serialın maraqla gözlənilən ikinci mövsümünün 26 dekabr 2024-cü ildə yayımlanacağını elan edib.
Bundan əlavə, ekran işinin 2025-ci ildə final edəcəyi bildirilib.
Qeyd edək ki, “Kalmar oyunu” Hvan Don Hyok tərəfindən “Netflix” üçün ekranlaşdırılmış dram serialı. Rollarda Li Con Ce, Pak He Su, Vi-Ha Cun, Ho Yon Çon, O Yen Su, Ho Son The, Anupam Tripati və Kim Cu Ryon çəkilib.
Əksəriyyəti ciddi maliyyə problemi yaşayan 456 nəfər, sirli bir sağ qalma turnirinə qatılmaq üçün dəvət alır. Hər dəfə bir oyunçu bu ölümcül yarışmadan kənarlaşdırıldıqdan sonra mükafat 100 milyon von artırılır. Turnirin qalibi sonda 45,6 milyard von (38,5 milyon ABŞ dolları) alır.
Serialın 2-ci mövsümündə Gi-hunun oyunun arxasındakı şəxsləri tapmaq cəhdləri və yenidən oyuna qoşulması əks olunub.
Billurə Yunus
