Həftəsonu Yer kürəsində güclü maqnit qasırğası olacaq
Bu həftə sonu Yer kürəsində maqnit qasırğaları gözlənilir.
Qaynarinfo xəbər verir ki, bu barədə "Phobos" hava mərkəzinin aparıcı mütəxəssisi Mixail Leus öz "Telegram" kanalında məlumat verib.
"Maqnit fırtınasının şənbə günü günortadan sonra başlaması və ən azı bazar günü günortaya qədər davam edəcəyi gözlənilir", deyə mütəxəssis yazıb.
O xatırladıb ki, əvvəlki maqnit qasırğası cümə axşamı, avqustun 1-də başa çatıb. Gözləntilərin əksinə olaraq zəif olduğu ortaya çıxıb. Onun sözlərinə görə, Günəş sakitləşməyəcək və onun üzərində intensivliyi maksimum mümkün olan X sinfinə yaxınlaşan alovlarla davam edəcək.
Maqnit sahəsinin gələn həftənin əvvəlində tədricən sakit vəziyyətə düşəcəyi gözlənilir.
