Rusların daha bir təyyarəsi qəzaya uğradı

2 nəfər sağ qalıb

Ölkə.Az xəbər verir ki, Cənubi Sudanda Cuba hava limanında havaya qalxan yük təyyarəsi qəzaya uğrayıb.

Hadisə hava limanından 800 m aralıda baş verib. Bildirilir ki, yük təyyarəsində 12 sərnişin olub. Onlardan 5-i Rusiya vətəndaşıdır.

"South Sudan Tribune"un yazdığına görə, yalnız 2 nəfər sağ qalıb.

Xatırladaq ki, oktyabrın 31-də "Koqalımavia" şirkətinə məxsus təyyarə Misirdə qəzaya uğrayıb. Göyərtədə olan 224 nəfərin hamısı ölüb.

***

“Röyters”in məlumatına görə, təyyarə Cuba aeroportundan havaya qalxdıqdan sonra qəzaya uğrayıb. Agentliyin məlumatına görə, təyyarənin hissələri aeroport yaxınlığında Nil sahillərinə düşüb. Şahidlərin sözlərinə görə, təyyarənin qəzaya uğradığı ərazidə təxminən 40 nəfərin meyiti aşkarlanıb.

Cənubi Sudanın prezidenti də qəza faktını təsdiqləyib. Prezidentin nümayəndəsi isə təyyarənin göyərtəsində 20-dək adam olduğunu istisna etməyib.

Rusiyanın Uqandadakı səfirliyindən isə bildiriblər ki, təyyarə qəzası ilə bağlı araşdırmalar aparılır. Ekipaj üzvlərinin Rusiya vətəndaşlarından ibarət olduğu deyilir.

Ölkə.Az