ABŞ-İran arasında gizli görüş - SENSASİON DETALLAR

HƏMAS lideri İsmayıl Haniyənin ölümündən sonra ABŞ nümayəndə heyətinin Türkiyə üzərindən gizli şəkildə İrana getdiyi iddia edilir.

Ölkə.Az xəbər verir ki, bu barədə Küveytin “Al Ceride” qəzeti yazıb.

Nəşr yazıb ki, gərginliyin artdığı bir vaxtda ABŞ rəsmiləri Ankaradan gizli şəkildə İrana gedərək İsrailə hücum edib Netanyahunun hiyləsinə düşməmək barədə xəbərdarlıq ediblər . 

2 saat davam edən gərgin görüşdə amerikalı nümayəndələr İranın İsrailə hücum edəcəyi təqdirdə ABŞ-nin İsrailin yanında olacağını və onun müdafiəsinə dəstək verəcəyini bildiriblər və böyük müharibə istəmədiklərini vurğulayıblar.

Görüş zamanı ABŞ-nin Haniyənin öldürülməsindən xəbəri olmadığını bildirən səlahiyyətlilər İsrail Baş naziri Benyamin Netanyahunun nəzarətdən çıxıb və onun böyük bir regional müharibə istədiyini də Tehranın diqqətinə çatdırıb. Bildirilib ki, Netanyahu İranı məhv etmək istəyir. Ona görə də amerikalılar Tehranı Netanyahunun hiyləsinə uymamağa çağırıblar. 

Nəşr onu da yazıb ki, görüş zamanı ABŞ nümayəndə heyəti İrana xoşməramlılıq əlaməti olaraq İrana sızmış 10 Mossad agentinin siyahısını verib.

Mürtəza
Ölkə.Az