Tramp: İran gecə İsrailə hücum edəcək

İran bu gecə İsrailə hücum edəcək. Siyasətçi bunu jurnalist Odin Rossla yayım zamanı deyib.

"Ölkə.az" xəbər verir ki, bunu ABŞ-ın keçmiş prezidenti Donald Tramp deyib.

ABŞ prezidentliyinə namizəd bir daha vurğulayıb ki, əgər o, Ağ Evin rəhbəri olsaydı, belə bir şey olmazdı.

Bundan əvvəl ABŞ Dövlət Departamentinin sözçüsü Metyu Miller bildirmişdi ki, ABŞ rəsmiləri Yaxın Şərqdə eskalasiyanın İranın maraqlarına uyğun olmadığını düşünürlər. Onun sözlərinə görə, Vaşinqton da İranın İsrailə hücumunun baş verəcəyinə inanmır.

Avqustun 5-də “The Jerusalem Post” İsrailin xarici işlər naziri İsrael Katza istinadən yazıb ki, İran hakimiyyəti Macarıstan vasitəsilə yəhudi dövlətinə hücum etmək niyyəti barədə xəbərdarlıq edib.

Daha əvvəl adı açıqlanmayan iranlı diplomat The Wall Street Journal (WSJ) ilə söhbətində demişdi ki, HƏMAS Siyasi Bürosunun rəhbəri İsmayıl Haniyəyə hücumdan sonra müxtəlif dövlətlərin Tehranın İsrailə hücumunu dayandırmaq cəhdləri olub və olacaq. 

Elvin

Ölkə.az