Sinvarın HƏMAS lideri seçilməsi İsraili gələcəkdən məhrum edəcək - iranlı general

Yəhya Sinvarın Fələstin HƏMAS siyasi bürosunun yeni rəhbəri seçilməsi fələstinlilərin İsraili gələcəyə ümiddən məhrum edən bir yol seçməsi deməkdir. Ölkə.Az xəbər verir ki, bunu  İran ordusunun baş komandanı, general-leytenant Əbdülrəhim Musəvi deyib.

“Yəhya Sinvarın dünən təyin edilməsi fələstinlilərin və HƏMAS-ın  gələcəklə bağlı hansı yolu seçdiklərini göstərdi. Bu seçki o deməkdir ki, İsrailin gələcəyə heç bir ümidi olmamalıdır”, - deyə  Musəvi qeyd edib.

General-leytenant əlavə edib ki, bütün cinayətlər, o cümlədən Tehranda İsmayıl Haniyyənin qətli cavabsız qalmayacaq:  “Onlar  sərt cavab alacaqlar”.

Qeyd edək ki, İsmayıl Haniyənin yerinə Yəhya Sinvar  HƏMAS-ın hərbi qanadının - İzzəddin əl-Qəssam Briqadalarının və İsraillə əməkdaşlıq edən fələstinlilərə qarşı cəza əməliyyatlarında ixtisaslaşmış Həmas daxili təhlükəsizlik təşkilatı "Məcd"in yaradıcılarından biri hesab olunur.

 Mürtəza
Ölkə.Az