Bu ölkədə it əti yemək rəsmən qadağan olundu
Cənubi Koreyada it əti yemək qadağan olunub.
Ölkə.Az “Anadolu” agentliyinə istinadla xəbər verir ki, yanvarın 9-da Milli Assambleyada qəbul edilən qanunun artıq qüvvəyə mindiyi açıqlanıb.
Qanuna əsasən, it fermalarının və it əti satan restoranların sahibləri 2027-ci ilin fevralına kimi müxtəlif sektorlara keçid etməlidir.
Hökumətin bizneslərini bağlamaq və ya transformasiya etmək planlarını təqdim edən it fermalarının sahiblərinə, qəssablara və restoranlara kompensasiya verəcəyi bildirilib.
2027-ci ildən sonra itləri ət üçün kəsənləri 3 il həbs və ya 23 min dollar cərimə, ət üçün it yetişdirənlər və satanları isə 2 ilə qədər həbs və ya 15 min dollar cərimə gözləyəcək.
Billurə
