Ukraynadan Rusiyaya növbəti hücum - Lipetskdə xeyli yaralanan var

Ukrayna ordusunun Rusiyanın Lipetsk  vilayətinə kütləvi  PUA-nın hücumu nəticəsində  xeyli sayda insan yaralanıb.

Ölkə.Az xəbər verir ki, bu barədə Lipetsk vilayətinin qubernatoru İqor Artamonov məlumat verib. 

Onun sözlərinə görə, avqustun 9-na keçən gecə Lipetsk vilayəti çoxsaylı PUA hücumuna məruz qalıb. "Lipetsk rayonunda fövqəladə vəziyyət elan edilib və 4 yaşayış məntəqəsi boşaldılıb.  Hücum nəticəsində yaralananların sayı 9-a çatıb", - İqor Artamonov bu məlumatı öz  Telegram kanalında paylaşıb.

O eyni zamanda əlavə edib ki, Lipetskə PUA hücumu nəticəsində enerji infrastrukturu obyektinə də  ziyan dəyib və bu da enerji təchizatında fasilələrə səbəb olub.  Yaranmış vəziyyətlə bağlı Lipetskdə sərnişin daşınması da müvəqqəti dayandırılıb.

 Rusiya Medafiə Nazirliyinin verdiyi xəbərə görə, ötən gecə Rusiya səmalarında 45 Ukrayna PUA-sı zərərsizləşdirilib. 

 Mürtəza
Ölkə.Az