Zatulun: Moskva yardım üçün ermənilərə müraciət edəcək?

Ukraynanın Kurska hücumundan sonra Rusiya Kollektiv Təhlükəsizlik Müqaviləsi Təşkilatındakı (KTMT) tərəfdaşlarından kömək istəmək niyyətində deyil. 

Ölkə.Az xəbər verir ki, bunu "Gazeta.ru"ya  açıqlamasında RF Dövlət Dumasının MDB işləri, Avrasiya inteqrasiyası və həmvətənlərlə əlaqələr komitəsi sədrinin birinci müavini Konstantin Zatulin deyib.

Zatulin bildirib ki, Rusiya  yardım üçün  heç bir ölkəyə müraciət etməyəcək. "KTMT-nin əsas ölkəsi olan Rusiyanın öz ərazisində kimdənsə kömək istəməsi təəccüblü olardı. Kursk bölgəsində Rusiyaya kömək etmək üçün kimi cəlb edəcəksiniz? Qazaxları, yoxsa erməniləri cəlb etmək istəyirsiniz? Kimə? Siz bir neçə axmaq suallar verirsiniz”, - o qeyd edib.

Qeyd edək ki, avqustun 6-da səhər saatlarından Ukrayna ordusu  Kursk vilayətinə  hücuma keçib və artıq  üç gündür döyüşlər davam edir.

Mürtəza
Ölkə.Az