İsrail ABŞ-dan daha çox hərbi yardım istədi

Yardımı 10 il ərzində almaq istəyir

Ölkə.Az "Reuters" agentliyinə istinadən xəbər verir ki, İsrail hazırkı paketin bitməsindən sonra 2017-ci ildən 5 milyard dollar həcmində illik hərbi yardımın alınması üçün ABŞ-a sorğu göndərib.

İsrail əvvəl 3 milyardlıq yardım alıb. Bildirilir ki, İsrail bu məbləğdə yardımı 10 il ərzində almaq istəyir. Nəşrin məlumatına görə, İsrailə yeni yardım paketinin müzakirəsi ilkin mərhələdədir. Məbləğ əvvəlcə Ağ Evdə müzakirə edilir.

Çox güman ki, İsrailə hərbi yardımın verilməsi İsrailin baş naziri Benyamin Netanyahu və ABŞ prezidenti Barak Obama arasında müzakirə olunacaq. Bu görüşün gələn həftə Vaşinqtonda baş tutacağı gözlənilir.

Rəşid Mustafazadə

Ölkə.Az