İki ölkə arasında böhran yarandı, sülh üçün Türkiyəyə müraciət etdilər

Somali və Efiopiya arasında artan böhran nəticəsində  iki ölkə arasında  münasibətlər pozulub.

Ölkə.Az xəbər verir ki,  böhrandan sonra Efiopiyanın baş naziri Abiy Əhməd Əli prezident Rəcəb Tayyib Ərdoğana məktub yazaraq, Efiopiya ilə Somali arasındakı münaqişə ilə bağlı Ankaradan dəstək istəyib.

 Türkiyə prezidenti Rəcəb Tayyib Ərdoğan  məslənin həlli ilə bağlı xarici işlər naziri Hakan Fidana göstəriş verib.

Hər iki ölkənin xarici işlər nazirləri ilə böhranın həll edilməsi istiqamətində  bir neçə raunddan ibarət  danışıqlar  keçirilib. 

Bundan əlavə olaraq prezident Ərdoğanın həm Efiopiyanın baş naziri Abiy Əhməd Əli,  həm də Somali prezidenti Həsən Şeyh Mahmud arasında  mövcud problemin həlli istiqamətində telefon danışığı olub.

Ankaranın təşəbbüsü ilə aparılan danışıqlar nəticəsində tərəflər arasında sülh əldə edilməsi barədə razılığa gəlinib və  böhrana son qoyulub.

Problemi sülh yolu ilə  həlli etmək üçün  Ankaranın vasitəçiliyi altında  danışıqlar  davam etdiriləcək.

Mürtəza
Ölkə.Az