Trampdan seçkilərdəki rəqibi ilə bağlı daha bir iddia: Süni intellektlə yaradılıb - FOTO
ABŞ-də keçiriləcək prezident seçkilərində Respublikaçılar Partiyasından prezidentliyə namizədə Donald Tramp Demokratlar Partiyasından rəqibi Kamala Harrisə qarşı növbəti dəfə ittiham irəli sürüb.
Ölkə.Az xarici KİV-ə istinadla xəbər verir ki, Tramp bu dəfə də Kamalanın mitinq saxtakarlığı etdiyini bildirib:
O, K.Harrisinin Miçiqan ştatının Detroyt şəhərində baş tutuan mitinqə dair fotonun süni intellektlə yaradıldığını bildirib.
“O hiyləgərdir. Onu qarşılamağa heç kim gəlməmişdi, amma izdihamın təxminən 10 min nəfər olduğu görünür. Çıxışlarında da saxta izdihamla eyni şeyi edir. Demokratlar seçkilərdə belə qalib gəlir, fırıldaqçılıq edərək”,- deyə o söyləyib.
Tramp deyib ki, Harrisin təyyarəsinin əksində izdihamın görünməməsi fotoların manipulyasiya olduğunu sübut edir. Bunun "seçkilərə müdaxilə" mənasına gəldiyini iddia edən Tramp hesab edir ki, Harris yarışından kənarlaşdırılmalıdır.
Harrisin kampaniya komandası Trampın iddialarını təkzib edib.
Qeyd edək ki, D.Tramp daha əvvəl də Kamala Harrisi siyasi platforması üçün təşəbbüslərini oğurlamaqda ittiham etmişdi.
Billurə Yunus
